Guðni Th. Jóhannesson

sérsmíði

Guðni Th. er sagnfræðingur og lektor við sagnfræði- og heimspekideild Háskóla Íslands. Ég fæddist í Reykjavík árið 1968 og er doktor í sagnfræði  frá Queen Mary, University of London og stunda ritstörf og rannsóknir á eigin vegum. Ég hef skrifað fjölda greina og bóka um sögu og sagnfræði, m.a. um landhelgismál og þorskastríð. Bók mín, Völundarhús valdsins, sem fjallar um stöðu forseta Íslands, stjórnarmyndanir og stjórnarslit í embættistíð Kristjáns Eldjárn, vakti verulega athygli þegar hún kom út 2005. Ári síðar kom út bókin Óvinir ríkisins sem hafði verið beðið með mikilli eftirvæntingu, enda fjallar hún um viðkvæm og umdeild málefni sem mikið hafa verið í kastljósi fjölmiðlanna og umrædd meðal almennings, þ.e. viðleitni stjórnvalda til að vernda „innra öryggi” ríkisins, m.a. með símhlerunum og öðru eftirliti með fólki sem talið var geta ógnað þessu öryggi, einkum á árum „kalda stríðsins”. Fyrir bókina var ég tilnefndur til Íslensku bókmenntaverðlaunanna. Árið 2009 kom út bókin Hrunið – Ísland á barmi gjaldþrots og upplausnar. Hún var fyrsta heildarúttektin á efnahagshruninu 2008 og helstu eftirmálum þess. Sjónvarpsþáttaröð byggð á bókinni var sýnd í Sjónvarpinu haustið 2009. Árið 2010 birtist nýjasta bók mín, Gunnar Thoroddsen. Ævisaga. Þótti hún slá nýjan tón í íslenskri ævisagnaritun og var tilnefnd til Íslensku bókmenntaverðlaunanna.