Færseth - Fjölskylduvefsíða

Færseth - Fjölskylduvefsíða

Árið 1915 hittust þau Pálína Sæby og Einar Færseth á Siglufirði. Pálína var þá 17 ára gömul siglfirsk ungmey í föðurhúsum og Einar 25 ára sjómaður og farandverkamaður. Níu mánuðum síðar eignast Pálína frumburðinn Björgvin Viktor Færseth. Nokkrum misserum síðar gengu þau í hjónaband og saman eignuðust þau 14 börn. Tvö létust í æsku en hin 11 komust öll á legg. Óli Jóhann næstelsti sonur þeirra drukknaði þegar hann var aðeins tuttugu og eins árs árið 1939. Í dag tæplega öld eftir að þau Pálína og Einar hittust eru afkomendur þeirra orðnir 320. Færseth fjölskyldan er ósköp venjuleg íslensk fjölskylda en þó óvenjuleg þar sem við eigum sterkar norrænar rætur. Þessi vefsíða er sett upp í minningu þeirra mætu alþýðuhjóna sem sannarlega máttu þola mikla erfiðleika, sorg , mótlæti, djúpa kreppu og atvinnuleysi. En þau áttu líka kraftmikinn vilja og duglegan og glaðbeittan barnaskara. Og börnunum ásamt uppsveiflum í atvinnulífi fylgdi líka mikil gleði og miklir möguleikar. Möguleikar til að bæta lífið og sigrast á erfiðleikunum. Bæði persónulegum- og samfélagslegum erfiðleikum. Þegar upp er staðið getum við öll litið til þeirra beggja með virðingu og þakklæti fyrir þá góðu arfleifð sem þau skiluðu til okkar.