Hvað er Drupal?

Hvað er „open source“?

Drupal vefumsjónarkerfið er frjáls hugbúnaður eða„Open Source“. Þetta þýðir að þeir sem hanna kerfið og einstaka hluta þess,  búa það til og viðhalda því krefjast ekki endurgjalds eða launa. Þetta þýðir líka að kóðinn, eða forritunin sjálf, er öllum opinn til notkunar, breytinga og lagfæringa.  Mörgum gengur mjög erfiðlega að skilja þessa viðskiptahætti.  Staðreyndin er hins vegar sú að þetta er ný leið í viðskiptum sem hefur vaxið og dafnað í hugbúnaðargeiranum síðustu árin og er þegar farin að hafa mikil áhrif á viðskipti og markaðssetningu.  Ef þú hefur áhuga á að lækka kostnað og vera með í virkri framþróun og nýjum viðskiptaháttum ættir þú að skoða Drupal vandlega.

Hugbúnaður sem sparar stórar fjárhæðir

Í dag er „open source“ hugbúnaður, bæði almennur hugbúnaður fyrir tölvur, eins og OpenOffice, og hugbúnaður fyrir vefsíðugerð, eins og Drupal, orðinn mjög útbreiddur. Sumir hafa gengið svo langt að tala um nýja tegund af hagkerfi sem sé að spretta upp af þessu áður óþekkta eignarhaldsfyrirkomulagi. Hvað sem öðru líður er „open source“ hugbúnaður að spara stórar fjárhæðir hjá fyrirtækjum, einstaklingum, félagasamtökum og opinberum aðilum hér á landi sem víða erlendis.

Drupal hugbúnaður

Til þess að öll atriði gangi upp í Drupal hafa fjölmargir og hæfileikaríkir einstaklingar í hugbúnaðargerð lagt hönd á plóginn til margra ára. Sumir hafa smíðað, bloggkerfi eða atburðadagatöl, aðrir spjallþræði, enn aðrir grunninn og snjallar lausnir sem auðveldar smíði hvers konar gagnagrunna og enn aðrir kerfiseiningar sem gerir okkur mögulegt að smíða fréttakerfi, vörulista og félagaskrá. Það sem er athyglisvert við Drupal er hin óendanlega fjölbreytni möguleika og fjöldi notenda og gífurleg útbreiðsla kerfisins. Í dag er fátt sem Drupal getur ekki leyst og afkastað þegar kemur að nútímalegum vefsíðum. Vefsíðum sem virka eins og litlir prívat fjölmiðlar og tæki til samskipta. Vefsíðum sem eigandinn á og stjórnar sjálfur.  Vefsíður í kerfi sem hefur fjölmennasta hóp forritara á bakvið sig hér á þessari plánetu.

Hverjir nota Drupal?

Notendur Drupal skipta nú hundruðum  þúsunda og er Drupal líklega orðið útbreiddasta vefumsjónarkerfi heims . Notendur eru allt frá stórum fyrirtækjum eins og Warner Brothers Music, MTV UK og New York Observer yfir í litlar persónulegar síður, eins og vefsíður listamanna eða einyrkja . Nýlega skipti skrifstofa forseta Bandaríkjanna yfir í Drupal, en vefsíða þeirra whitehouse.gov þurfti öflugt og afkastamikið CMS kerfi. Hér á landi má nefna notendur eins og Háskóla Íslands, RUV, Þjóðskjalasafnið, Á Guðmundsson, Myndlistaskólann í Reykjavík, Guðna Th. Jóhannesson, Sögufélagið, Ferðaþjónustuna Þykkvabæjarklaustri, Hótel Önnu, Brunatæknifélagið, Tangófélagið og marga fleiri.